Kore ardiido Lesdi Naajeeriya, Oluremi Tinubu, wi taskaramji goriiko ko laarani hesditinki Lesdi Naajeeriya do waddan jahargal yeeso yeeso sanne.
O suuditi haalakan haa moobtorde ko laarani taskaramji jahargal yeeso ndemri rewbe anndira (RHI-WASP) ko wada haa bakkeeje fombina walaadu fuuna.
Debboojo on holli baawal baawo maako sanne faaki Rewbe ben nder Lesdi Naajeeriya no foti.
RHI-WASP hawti koppi bee NALDA ngam feesinki are demeterle enanta eltuki Rewbe musamman hedi shaanu ndemri.
Oluremi Tinubu hokki nalla yaaki nakisiibe ko hewtani himbe 100 ko be botirta sanne.
Ngomnaajo Jihawol Imo, Hope Uzodinma, tefri ummaatoore Rewbe wamba baawo ngomnati ngam nanki beldum ko’e mabbe nder Lesdi Naajeeriya.
Rewbe remoobe hokkaama Ceede ko hewtani N500,000.00 moyefu hawtaade bee Are ndenri feerefeere.
SADIQ ALFA
