Ardiibe be hakkilanta shaanu ndemri nder Jihaaji wadi giidal nyennde Alarba musamman ngam hesditinki’e taskaramji shaanu diidaadi ndemri ha Lesdi naajeeriya.
Ardiibe ben wolwi haalakan on haa moobtorde besduki anndal dum be ngadi jee nyalaade gootel haa Abuja laamorde Lesdi Naajeeriya.
Tawaabe haa giidal ngal hawti bee comishina ‘en Jihaaji bee seketeri ‘en tabitiibe be Jihaaji hawtaade bee Ministaajo mo hakkilanta shaanu ndemri kadima bee ardiibe wobbe be hukuumaaji nder Lesdi Naajeeriya.
Nder jawaabu hooreejo kawtal Rewbe Remoobe nga (WOFAN), Hajia Salamatu Garba wiido firlito diidaadi din nafan sanne nden waddan jahargal yeeso kilantaaji riskuuji haa Lesdi ndin.
O wi be wadi giidal musamman ngam jahargal yeeso ndemri nohaandi on.
Non kadima comisinaajo ndemri haa Jihawol Kebbe, Hon. Maigari Dakingari suuditi bee wiki Lesdi Naajeeriya do yiida bee soynde feesaare nyaamannde non doodbe tawaabe haaton fu meti kimminiika nafoha ngam jahargal yeeso hebe.
Commishina’en Jihaaji bana Bauchi, Prof. Simon Yalams,Cross River Mr Johnson Ebokpo,
SADIQ ALFA
