Tubaljo majalissa wakili’en leddi Najeeriya , Abbas Tajudeen tabitini huwoobe ha majalissa kan wonbe nder kautal Parliamentary Staff Association of Nigeria, PASAN duuw majalissa kan hokkitan be kala hakke mabbe fu nder wakkati ha fahin be habdan be welnina be no handi.
Tubaljo majalissa kan andini bannin mai on ha wakkati nde o jabbanno horeejo kautal huwoobe majalissa , Comrade Muhammad Usman be ballo makko , Comrade Sunday Sabiyi, nde be ngaddinino tubaljo on ngilla yettore bawo nde tubaljo on hokki umrore huwoobe ben mbelnine no handi.
Abbas manni kautal huwoobe majalissa kan be tinaare dogginki kude jahol yesso ha sare majalissa mai duum o holli sina be mabbe wola no kude bibbe majalissa hebira nasaraaku doggineego ngammai majalissa kan beddan hokkugo huwoobe ben hakke mabbe kala nd3e wurti fu.
Abbas yonitiri ardungal kautal PASAN duuw be bedda haurugo koe mabbe ha fahin be bedda tinaare haurugo jude be majalissa kan ngam kude mabbe bedda yahugo yesso bana no mara haaje.
A BELLO
