Kautal huwoobe ngal (NLC), ha leddi Najeeriya darni wankoore nde be fuddino nyalde didi nder leddi no foti ngammai wakoore nden wadataake hande alarba do.
Kautal huwoobe nde NLC mai andini non non on ha kasidawol ngol be wurtini bawo nde ardungal mabbe doggini jonde famtotiral nyande salasa do tippungel nde be timmini wadugo wakoore arandere.
NLC wii hoi jabrude darnugo wakoore nden on bawo nde be larri no wakoore nden hebiri nasaraaku nden bo himbe wurti wadi wankoore mum nder jonde jam e de’ende wola mo be tonyi ha be timmini wanshugo ha be wanshi do fu.
A rdungal NLC mai hokki ngomnati wadu nyalde jedidi hebbidina alkawal ko ho’ani Najeeriya be huwoobe sina non bo be loran be dilla tikkere kude nde wola ragare ha leddindi, ngammai to ngomnati yidi kude huwe ha leddindi dole on hokka be hakke mabbe nden waddina bibbe leddi bo koiduum ha ngurdam mabbe.
A BELLO
