Ministaajo fiiji cheede e hakkilinki risku leddi Najeeriya, Wale Edun wii Ardiido leddi Bola Ahmed Tinubu umri be duuw be yauna wurtinki cheede keide ngam be usta dudal dereke’en be judi ngola kude ko huwa ha fahin be wallita himbe million 12 be cheede naira N25,000 kala god fu ha yahugo lebbi tati ngam tabitinki talakaaku ustaama hakkunde ummatore leddindi.
O andini bannin mai on nyande altine do tippungel bawo nde majalissa dogginirgal ngomnaati mobgal leddi wadino junde gidal mabbe ngal bw wowi wadugo kala asaweere fu, duum doggina ha fada Ardiido leddi wonde Abuja..
Ministaajo on beddi wiigo ngomnati do larta laabi di handi tokka ngam, banta ngurdam sukaabe ha nder leddindi musamman hebango be kude ko huwe hautande be ustango be talakaaku naungu ngu torrata ummotoobe ha nder leddindi.
A BELLO
