Ballo Ardiido leddi Najeeriya Kashim Shettima wii ngomnati mobgal leddi do taskiti faddugo kerri leddindi nden fahin nyiban nukkuje gonde ha duuw kerri din hautande be hebango ummatore jodibe ha duuw kerri kare nanaol beldum ngam heba ngurdam mabbe banto be tabitinki rento nanago ha nukkuje den fu.
Shettima andini banning mai on ha wakkati nde o jabinno Kodagu wakili’en hukuuma ka hakkilinta duuw kerri leddindi watau (BCDA) ha sare ngomnati wonde Abuja nyande alamissa do ha o holli jodibe duuw kerri do ngida be billaji ko nandi bana soinde rento hautande be soinde kare nanol beldum ummatore eko nandi enon.
Ballo Ardiido leddi beddi wiigo handi jodibe duuw kerri do welnine hedi labi hokkugo be nyaundingu, andal tillimngal faago bibbe mabbe, rento hautande be faddogo be daga masibooji peotooji ha duuw kerri.
Shettima yonitiri wakili’en hukuuma kan duuw be wurtina dabareeji kessi di welninta himbe duuw kerri heba ngomnati yauna hokka kala ko handi kamfu.
A BELLO
