Wakiili’en majaliisaabe ndotti’en tefri ngomnati moobgal Lesdi fabbitina ittuki nballa Ceede yiite Lamtarki ko taskani ittuki do ngam sadirmaaji ko Lesdi Naajeeriya wontiri.
Haalakan wurti on bawti jabrude ngomnati hoosi nde minstaajo mo hakkilanta shaanu kubbirle yiite ngen wi nyennde Alarba dow laati doole be itta mballakan.
Senator Aminu Iya Abbas (PDP) mo Jihawol Adamawa kanyum on waddi haalakan haa majaliisaaru ndun.
Ministaajo yiite ngen Adebayo Adelabu anndini wiki hujjaaji ko wadi be ittata mballakan nder man woodi gannudi nyamaande ko kampaniiji din tokkata ngomnati sanne.
Majaliisaabe ben narri bee ngomnati moobgal Lesdi dow be larta taskaramji shaanu yiite no foti nder Lesdi Naajeeriya.
SADIQ ALFA
