Horeejo majalissa ndotti’en leddi Najeeriya boimaajo , Senator Ahmad Lawan wanni Ardiido majalissa kan boimajo Senator Anyim Pius Anyim barka be heutuki dubi shappan e jeego e tati ha duniyaaru 63.
Senator Lawan, ha habaruuwol ngol o wurtini je yottinki kofngol barka faago Senator Anyim, holli siyasa on habdi masin be nyibugo ummatore ema leddi Najeeriya fu jonde wore musamman wakkati nde o ardano majalissa ndotti’en. Nden bo o latake goddo mardo munyal be yidugo kautal hore bibbe leddi.
Lawan tindini Senator Anyim duuw goddo on tiddo mardo gongaaku ha ngurdam makko nden bo wautowo billaji ummatore toni tawimo be ko billataduum o habdan o wauta kala ko owawata fu.
O yelannimo hairu njamu ema jutal balde ngam heba o bedda hokkugo wallinde makko ha ko beddata nyibaago leddindi, musamman nde jonta leddindin do habda be billaji kalludi.
A BELLO
