Ardiido leddi Najeeriya Bola Ahmed Tinubu warti Abuja fada lamorde leddindin bawo nde o yahino jahangal nyalde nayi je hauritirde maunder nde Ardiibe kautal nahiya Africa ngal AU duum doggina ha Addis Ababa leddi Ethiopia ha Ardiibe lesde den kauri ha moftorde nde yebre 37.
Tinubu, Yotti babal jippol pirooje nde Nnamdi Azikiwe International Airport, Abuja, bana misallu jamdi 3 be minti 36 kikkide nden wakili’en ngomnati nanabe maube on yahi ha ton jabbimo be hauri be Seketereejo ngomnati mobngal leddi , (SGF), Senator George Akume. Eko nandi e mabbe.
Ha wakkati nde Ardiido on yaliri ha Addis Ababa, be mbolwi hala ko larani rento nahiya Africa hautande be billaji talakaaku ema soinde risku leddi ko yidetet be mai ha nder lesde den.
Tinubu yeuti be luttube Ardiibe lesde Africa no be wadata be wauta billaji kalludi di nahiyakan yidata be mum jonta ko nandi bana fiiji njamu ummatore, filuuji,rento eko nandi enon.
A BELLO
