Ngomnati mobgal leddi Najeeriya wii hepti laabi ha yotti 32 di wobbe fere tokkata do wurtina nyamande dunde hedi laabi karminaadi yara lesde fere ngam heba riba duddum.
Ballo Ardiido leddi Najeeriya Kashim Shettima andini duuw nyande altine salli do be nangi motaaji maudi 45 hebbinaadi be nyamdu dundu bedo wurtina faugo lede keddude be Najeeriya.
Shettima beddi wiigo nyamande nde be nagi do yotti ko nyamna jihaji duddi ha leddindi, ngammai ngomnati beddan ho’ugo jabrude kandude hedi harminki wurtingo nyamdu yarana lesde fere nden wobbe fere do habda be wello kallungo.
O andini bannin mai on nyande salasa do nde o wadanno jawaabu makko ha hauritirde maunder nde fiiji nyamu ema nyaundingu ummatore duum doggina ha Abuja fada lamorde leddi, ha o holli ngomnati acchta himbe leddindi nder bone.
A BELLO
