Sare majalissa ndotti’en leddi Najeeriya less ardungal commitiru fiiji cheede holli yerdai be majjuki cheede jomorli moftaaduum ko dillanta naira trillion 17 nder dubi juwi shaludi..
Commitiru ndun dabbitiri hukuuma moftowa cheede jomorli leddindi nga (FIRS) duuw farta ardibe ha nukkuje moftujki cheede jomorli hukuuma kan hautata nden yauna lamminki wobbe fere hesbe marbe gonga nder mabbe ngam tabitinki cheede moftade fu yiama be gite.
Majalissa kan mettini be soinde gongaku dillata ha leddindi musamman babe de moftata cheede leddindin nden bo majalissa man hepti majjuki cheede den on ha wakkati nde commitiru ndun yidanno be hukuuma moftowa cheede nastooje den nde be andinanno be lisafi cheede ketorngal mabbe je hitande nde.
Ha nder jawaabu makko horeejo commitiru hakkilinoru cheede nastooje ha majalissa kan, Senator Sani Musa mo jamdiyya (APC daga jiha Niger hirnankere ), andini horeejo hukuma moftowa cheede jomorli nga FIRS duuw be acchatako cheede trillion 17 majja ha mere dole jabrude kandude hoe ngam wangina chede den.
A BELLO
