Bikkoi pettoi ko dillanta 13 mayata kala nyalomafu sanadu nyawuuji fere fere ema tampere nyamdu nyiburu bandu ha hodorde hijra’en nde Zamzam camp ha woilankere leddi Sudan nder wuro Darfur bawo nde himbe wuro ngon do habda be fitinaaji kabe ko wadata lebbi sappo be siutai be masibooji.
Ha rahoatowol ngol majalissa mobgal lesde duniyaru U.N. wurtini nyande altine do do holla duuw bikkoi petoi ha hodorde nden do ngida be sadirmaaji soinde nyamdu nyiburu bandu, nyawuuji kalludi be wello naugo, kanju on bo dalilaaji maudi ko wadi bikkoi koi mayata kala nyalomafu ha hodorde nden.
Rahotooji din famtini duuw kala sa’a ngota fu bingel do maya nden nyaudobe ha hodrde nden bo do sinka soinde kare kude be cheeede sodugo luttudi kareeji di be marri haaje bakko kude mabbe dilla no handi.
A BELLO
