Ardiido leddi Najeeriya, Bola Ahmed Tinubu warti Abuja fada lamorde leddi bawo nde o dillino jahangal fago leddi Faransa ha o wadi assaweeje didi ha ton.
Pirowal makko jippi ha babal jippol pirooje nde Nnamdi Azikiwe International Airport wonde Abuja bana misallu jamdi 9 be minti sappo Jemma nyande salassa do.
Ha wakkatire nde Ardiido on jippani wobbe fere dudbe nder wakili’en ngomnati on yahi jabbi mo less ardungal seketereejo ngomnati mobgal leddi (SGF), George Akume luttube hauri be horeejo huwobe ha fada ngomnati, Femi Gbajabiamila, saurowo Ardiido leddi hedi yebre rento, Nuhu Ribadu be ministaajo fada lamorde leddi (FTC) Nyesom Wike.
Luttube hauri be ngomnaajo jiha Kaduna, Uba Sani, ministaajo fiiji barkaaji nyebbam petroljam mo leddi, Heineken Lokpobiri be Directaajo maudo mo rentobe renna kolte’en (DSS) Yusuf Magaji Bichi, eko nandi e mabbe on jabbi Ardiido leddi ha Abuja.
A BELLO
