Tubaljo majalissa jiha Nasarawa, Speaker Danladi Jatau, holli seyyomum be nasaraaku nyamugo chuubi duum wakili’en dido daga majalissa kan hebi jalorgal ha chuubi di duugina ha jiha kan nyande asawe salunde do je hokki , Muhammed Adamu Omadefu be Musa Abubakar Ibrahim.
Jatau nde hallidanno be tefobe habaruuji ha fada lamorde jiha kan Lafiya nyande alat do wii nasaraku wakili’en ben sennimo masin ngam be himbe on darbe be kude majalissaku ngammai odo wanna himbe gifa suborder mabbe barka be suptugo himbe nanabe ha sare majalissa jiha kan.
Tubaljo on lori wanni Omadefu mo jamdiyya APC barka be supteego daga suborder Keana be Ibrahim mo jamdiyya NNPP daga suborder Doma ha chuubi pudditadi nyande asawe salunde do.
Jatau manni hukuuma INEC be dugginki chuubi nder jonde jam e de’ende o lori o yetti rentobe be hokkugo sakkinibe chuubi rento ha wakkatire nden.
