Ardiido leddi Najeeriya Bola Ahmed Tinubu, lendi kongol hofnol fofo fago ngomnati ema ummatore leddi Namibia duuw wade Ardiido leddindin Hage Geingob. Mo mayyi do marri dubi shappan e jetatai e jenai ha duniyaru.
Ha habaruuwol ngol shakowo habaruuji ha office ru Ardiido leddi , Ajuri Ngelale, wanni jude nden lori sendanni tefobe habaruuji do holla duuw Tinubu wangini jurumdum makko be wade goddo nanado yuttudo haj emo Ardi leddi bana Namibia nden bo hokkudo wallinde ha ko bantata daraja lamu democradiyya.
Tinubu wii wade Ardiido on memai leddi makko tan ha be nahiya Africa ema duniyaru fu no foti wadi asar goddo mardo daraja e wawugo ardungal ummatore, nden bo o mayyi on ha wakkati nde ummatore leddi makko do botora be wallinde nde o hokkata.
A BELLO
