Ministaajo pamaro mo fada lamorde leddi Najeeriya FCT , Dr Mariya Mahmoud, dabbitini ummatore gifa Abuja duuw hukuuma FTC do darri darnde hokkabe rento ha nder wuro ngon ema ko tarrigo fu jonde wore ngam yigo hakkilo himbe walli nden bo do wada ko wowi wadugo nder de’ende.
Ministaajo on hokki tabutuye mai on ha wakkati nde o yillino Iyallu lenyol Al-Kadriyar Mansoor, mo be wujjino bingel mabbe nder balade shalunude nden be lori be wartirimo bawo nde saro’en ben yobi cheede kullide seti bingel mabbe daga ha jude hallube.
Mahmoud beddi wiigo ministaajo maudo mo FCT , Barrister Nyesom Wike, arti efti alkawal hokkugo himbe Abuja rento keingo nden fahin duddinan rentobe ha kotoye ngam yigo himbe gifakan hebi jude jam nden de’iti.
A BELLO
