Ardiido Lesdi Naajeeriya, Bola Ahmed Tinubu wi besdi sukle sanne haro feesinki nyibaali nder labbaaje ngam wadda jahargal yeeso.
Ministaajo faada laamorde (FCT), Mr. Nyesom Wike kanyum on suuditika wakkati O omtanno kuude buwaangal dum hewti kilomiitaaje 7.2-kilometre ko hawti Gaba enanta Tokulo haa Galluure Bwari FCT.
Wike wi Ardungal Ardiido Bola Tinubu taskani kuude nder Labbaaje sanne ngam moye fu nana beldum nder Lesdi Naajeeriya no foti.
Kadima O wi nder Galluue ha FCT fu ko hewtani 6 fu heban Laabi mawdi tattati ko meeday wadeeki ko be tigga galluuje den.
Wi wi gannudi soynde rento haa FCT do hebi joggam on ngam soynde nyibaali koo haatoy.
Kadima O wi be wayli gawargal kuude mabbe haa hukuumawa ngan be fuddata kuude seeto Ceede ko timminta kuugal fu hokkaama.
Wakkere feere bo hooreejo hukuuma pamarawa ngan, Mr. John Gabaya, wi toni haa kuude den huuwaama timminaama ummaatoore galluure nden ema FCT fu betiran bee kilantaaji riskuuji.
SADIQ ALFA
