Hooreejo suudu Radio konngol Naajeeriya VON Mr. Jibrin Ndace hawti kopi bee RFI jee Lesdi Faransa musamman ngam hurga gannudi kubaruuji pewe.
Mr. Jibrin Ndace suuditi haalakan wakkati aagal be RFI yaarani mo ngilla haa ofisru maako ndu Broadcasting House Gasol Lagos Fombina walaadu Hirna Lesdi Naajeeriya.
DG wi kawtal kopi hakkunde RFI bee VON neebi sanne jotta be taskani besdaari sembidinki ngam woodi bote sanne nden jahargal yeeso on jee saakuki kubaruuji.
Hooeejo RFI, Mr. Jean-Marc Four wi gollirde mabbe taski sanne haro golli daaki bee VON ngam hurguki gannudi kubaruuji pewe.
VON do saaka kubaruuji mabbe nder Lesde Duuniyaaru bee Demle ko hewtani 8 bana Arabic, English, French, Fulfulde, Hausa, Igbo, Kiswahili enanta Yoruba.
RFI bo do nder demle ko hewtani 17 nder man woodi Hawsaare yaaki ummaatoore ko hewtani milionji 19.
SADIQ ALFA
