Ngomnati mobgal leddi Najeeriya wii tiggugo commitiru ndu lartata no ngomnati beddirta cheede jubdi albashi huwobe pamarun do, do holla duniyaaru anniya ko nga marri ha bantugo daraja huwobe nder leddindi ngam be welnine nden be hokkite hakke mabbe no handi.
Ballo Ardiido leddi Najeeriya Kashim Shettima on andini banning mai nyande salasa do nde o hunnanno wakili’en commitiru ndu yowana dongal lartugo yake beddari cheede albasi huwobe ha leddindi ha sare ngomnati wonde Abuja.
O holli kuide commitiru ndun do marri himmindinare masin ngam hambe on tammi lartugo yake ngurdam huwobe be no be habdata e kude ngomnati hande e jango ngam heba ngomnati wurtina hakke mabbe nden beddina be ko be jabata larugo no ko dume beddiri cheede ha leddindi.
Shettima fodi hakkilo wakili’en commitiru ndun duuw be yauna be wolda be wakili’en kaute huwobe be narra be mabbe nder wakkati heba ngomnati fudda jubdi kesiri na be wonnugo wakkati.
A BELLO
