Seketereejo maudo mo hukuuma hakkilinowa nanugo beldum hijjobe jiha Niger, Sheikh Mohammad Awwal Aliyu, lori hesditini anniya hukuuma kan duuw beddan tinaaje de tabitinta hijjobe jihakan kebi jipporde ha kombi sudu Kaaba ha wakkti nde duniyaru haurata duggina Ibada kude hijju hikka ha leddi shenindi.
Seketereejo on andini banning mai on ha wakkati nde hanko be luttube wakkili’en hukkuma kan be njarino ngilla teddinki fago ngomnaajo jiha kan Umaru Mohammad Bago. Ha sare ngomnati wonde Minna fada lamorde jiha Niger nyande altine do.
Ha wakkati ngilla kanni hauri be Seketereejo hukuumakan Sheikh Mohammad Awwal Aliyu, Ardiido hukuuma kan Sheikh Abubakar Mohammad Beji, ema luttube wakkili’en hukuuma kan on yilli ngomnaajo on ngam be pamtinamo kude ko be fuddi wadugo ha taskaramji kude hijju hokka.
Ngomnajo jiha Niger Umaru Mohammed Bago yetti wakili’en hukuumakan be tinaare dugginki kude kandude ha welninta hijjobe jiha kan ha leddi chenindi ha fannin o mannibe be yaunugo fudda kude den nder wakkati, Bago fodi hakkilo mabbe be be tabitina be finditinihijjobe ben duuw farillaji kude hijju eko nandi enon.
A BELLO
