Soja’en leddi Najeeriya lanyobe pirooje (NAF) yaranni saggarle’en kippol be pirooje duuw anniya ustugo bononda kude kallude ha gifa Kwiga-Kampamin Doka nder hukuma pamara Birnin Gwari ha jiha Kaduna nyande alat do sankiti hallube dudbe mbari ko mbarat.
Ha habaruuwol ngol bolinowo hukuma soja’en pirooje leddindi , Air Vice Marshall, Edward Gabkwet wurtini do holla duuw soja’en ben kebi habaruuji sirri ha hallube ben nyukkata kanju wadi be hauri rento be mabbe be yarinibe kippol ha nhjungore mabbe.
O beddi wiigo soja’en ben hippi hallube mai on be pirooje konu be rufanni be hite ha duuw nden be sankiti njongoje mabbe boi nyande 27 leuru January do ammabo be do tabitini wola himbe wuro mo be mbari ha kippol majum.
Bolinowo soja’en mai wii mbona mbona lu’en ben hambe on tampini himbe gifakan do wujjabe dabbita cheede ha fahin yaranabe kippe Jemma Jemma ha gifa Birnin Gwari.
A BELLO
