Ministaajo mo hakkilanta shaanu maatootiral’e waytinki ko’e ummaatoore, Mohammed Idris, tefi kawtal kopi haro hurguki gannudi kubaruuji pewe musamman di luumooku mallabo kuude ngomnati haa Lesde Africa.
Ministaajo suuditi haalakan haa yeeso kubaru’en nyennde Asawe kanden on O tefri ummaatoore Lesdi Naajeeriya acca saakol kubaruuji pewe ngam walla Lesdi ndin hurga gannudi di wontiri.
Ministaajo on besdika bee wiki taskaramji Ardiido Tinubu ko laarani egginki yebre mallabo nukkuuje gollirde godde bana (FAAN) (CBN) yaaki Lagos, naangam nufooji kalludi ngam sembidinki kilantaaji riskuuji Lesdi Naajeeriya on
Ministaajo on mieti duudka gannudi Lesdi Naajeeriya wontiri ko nden on O manitiinaaje rentoobe jinniibe darned jemma’e Naange ngam rentuki ummaatoore ‘e jawle mabbe.
Idris besdika bee wiki hukuumaaji fu do wada fodde bawde mabbe ngam yiiki be ustani ummaatoore yanngadaaji di be wontiri bana Ardiido Lesdi Naajeeriya Bola Ahmed Tinubu yidi.
Haa ragare ministaajo meti duudka ko taskaramji mabbe waddani Lesdi Naajeeriya di jahargal yesso ngam nafu ummaatoore sanne nder 2024.
SADIQ ALFA
