Ardiido Lesdi Naajeeriya Bola Ahmed Tinubu wi do mari jarful dow ngomnaajo Jihawol Kogi, Alhaji Usman Ododo, huuwanan ummaatoore Jihakan no bernde yidi.
O besdika bee wiki dow toni haa ardiido fu jokkan ha kuude boddi di jawtudo wadi nasaraaku hebee nder Ardungal fu.
Ardiido on suuditi haalakan nyennde Asawe haa Galluure Lokoja laamorde Jihakan wakkati be wadanno seyo lamar ngomnaajo on Usman Ododo.
Ballo ardiido Lesdi Naajeeriya Kashim Shettima,kanyum on luutani Bola Ahmed Tinubu haa nokkuure nden ngam daliilaaji goddi.
Dow ko laarani ngomnaajo on daliido korowal ngal , Yahaya Bello, VP Shettima Bello wadi fodde bawde muudum no haandi nden do tuume roniido korowal maako bo jokkan haa O dari ngam jahrgal yeeso Jihakan.
Governor Usman Ododo, kanyumma tabitini dow O jokkan haa jawtudo dari amma O tefri ummaatoore Jihakan kawtal kopi ngam niiman hebe.
Tawaabe haa lamarkan woni hooreejo APC, Dr Abdullahi Ganduje, enanta wakiili’en maako members of the National Working Committee of the APC, members of the National Assembly representing the State, Minister of Mines and Steel Development, Shuaibu Abubakar, Governor of Kwarabe wakiili’en be APC haa majaliisaaru hawtaade bee ballo ‘en ngomna Benue, Nasarawa enanta Jihawol Ogun enanta luttube be shaanu rento.
SADIQ ALFA
