Ardiido leddi Najeeriya Bola Ahmed Tinubu, jabbi kampaniwa Chevron irtowa nyebbam keccham ha leddindin duuw kampaniru ndun fa yesso e rufugo jarful ha fiiji nyebbam main den ngomnati makko wallitan be cheede keutude ko dillanta dala billion 1.4 ngam be bedda sembe huwanki kampaniru nyebbam leddi ka NNPCL.
Ardiido leddi on lori tabitini duuw ngomnati makko bedda tinare hokkugo wallinde ko heata ngam yigo nyebbam petroljam fesinama hebi hokkugo kampaniji bana Chevron bososel dugginki kude yembol nyebbam keccham ha nder leddindin bana no mara haje.
Tinubu andini banning mai on ha wakkati nde o jabbanno Ardibe ema wakili’en kampaniru Chevron less ardungal Mr. Clay Neff, mo bo lato horejo maga ha leddi Najeeriya nde be wadanno gidal sirri be Ardiido leddi ha fada ngomnati wonga Abuja nyande salasa.
Tinubu efti alkawal duuw beddan faugo yesso be hokkugo wallinde heunde ha duuw fiiji nyebbam ngam yigo dam fessi hautande be ustugo billaji ko torratandi ha fiiji nyebbam mai.
A BELLO
