Koreejo Ardiido leddi Najeeriya , Mrs Oluremi Tinubu yonitiri masinke’en ha nder leddindi duuw be haura hore be yidotira yide marnde kajal ngam yigo duum itta ferotiral wakkere ko le’ul hakkunde mabbe ha nder leddindi ema nahiya Africa fu jonde wore.
Koreejo Ardiido leddi mai wadi yonadu ndun on ha wakkati nde o jabbanno wakili’en ema Ardibe haikaleeru African Biblical Leadership Initiative, ABLI nde be ngaddani nomo ngilla teddinki ha sare ngomnati wonde Abuja nyande salas do.
Agal wakili’en haikaleeru ndun wari on less ardungal Ardiido leddi Najeeriya boimajo General Yakubu Gowon bana no be holli be ngarri ha fada Ardiido leddi on ngam be finditina koreejo Ardiido leddi ha duuw moftorde maunder nde haikaleeru ndun tammi wadugo nder hitande do ha leddi ndi.
Mrs Tinubu manni wakili’en haikaleeru ndun be tinare be wowi wadugo je haurata koe masinke’en nder duniyaru hautande be wallinde nde tabitinta jonde jam e kautal hore bibbe haikaleeru majum.
A BELLO
