Senata’en suptaabe daga woilankere leddi Najeeriya ha majalissa ndotti’en tabitini ummatore be be lutanni ha majalissa kan duuw be yerdantako ngomnati leddindi eggina officeji maudi daga Abuja horadi jiha Lagos bedo yia.
Senata’en ben wolwi banning on ha wakkati nde be kollanno wannere mabbe be jabrude de ngomnati leddindi hoi wii egginan fada laomrde hukuma hakkilinowa yake kude pirooje nde leddi FAAN, be lesse godde de bankiru mandu ndu leddi watau CBN horadi jiha Lagos ngam dalila billare bana no be kolliri.
Non kautal ndotti’en nder woilankere leddindin kambe ma be kolli wannare mabbe be dudal cheede de ngomnati wurtini wallititta gifa fombinankere leddi nden acchi woilankere do habda be talakaaku ema tampere.
Ha habaruuwol ngol bolinowo kautal Senata’en nder woilankere leddi Najeeriya ha sare majalissa ndotti’en Senator Suleiman Kawu Sumaila, mo lutanni jiha Kano fombinankere wii bedo dari darnde be yerdatako seto ngomnati fasiti ko yidi wadugo do.
A BELLO
