Ardiido Lesdi Naajeeriya Bola Ahmed Tinubu hoosi jabrude tefol Ceede ngam hurga gannudi ko Lesdi Naajeeriya wontiri ngam jahargal yeeso maari.
Ardiido suuditi haalakan haa moobtorde Ardiibe Lesde’e Lesde jee 19th musamman ngam jahargal yeeso ko wada haa galluure Kampala,laamorde Lesdi Uganda.
Hooreejo joonde nden Ardiido Lesdi Uganda, Yoweri Kaguta Museveni, wi giidal ngal hikka 2024 hebi Ardiibe Lesde Africa teddube enanta ardiibe ngomnati sanne.
Ardiido Lesdi Naajeeriya Tinubu wi faami fakat see bee kawtal kopp haaje hubete non wadi O hoosi jabrude kanndude sanne haro hawtuki kopi bee Lesde’e Lesde ngam O humtina Ummaatoore Lesdi Naajeerya haaje mabbe.
Minisaajo mo hakkilanta shaanu hiiso enanta kilantaaji riskuuji, Senator Abubakar Atiku Bagudu, kanyum on luutani ardiido on haa giidal ngal ko nden on O limit gannudi Lesde Duuniyaaru fu wontiri nder man woodi ko laarani yanayuuji sella, kuude saatagidku’en,’e soynde goongaaku ‘e ko nanndi ‘enon.
Tinubu tefri ardiibe ben be NAM kawtal kopi bee majaliisa moobgal Lesde Duuniyaaru UN ngam jahargal yeeso hebi musamman hedi ko laarani yanayuuji selle nden be heban cede bo ko wallitirte.
SADIQ ALFA
