Ngomnati jiha Lagos lori hesditini anniyamum hedi tabitinki be fudditi taskaram nyamnugo fukaraabe jangirle primary maral ngomnati ngam yigo be welnani fukaraabe ben hautande be sattinkibe jokke wundango kude jangnde mabbe bana no handi.
Ngomnati mai ni andini duuw taskaram nyamnugo fukaraabe majum do marri daraja masin ngam do wata fukaraabe jotina yahugo janga kala nyaloma fu wola wonnugo wakkati ko mbarugo jokke mabbe, ha fahin duum watan be yahugo jangirde nder wakkati.
Janngirle maral ngomnati mai lorti jangugo je yebre didabre hitande do nder baldede bawo nde be warti siutaare ragare hitande..
Commissionaajo fiiji andal gobpal aranal jiha kan , Mr. Jamiu Alli-Balogun on andini banning mai ha wakkati nde o yillanno jangirle jihakan ngam o lartan wartugo fukaraabe daga siutaare ragare hitande duum be dillino.
O yonitir mallum’en duuw lorna hakkilo mabbe masin ha duuw fukaraabe ben ngam yigo be kebi andal marngal daraja ha fahin be lowama ha kude jangugo bana no mara haaje.
A BELLO
