Betefri ummaatoore Lesdi Naajeeriya besda Do’a dow ko laarani nasaraaku ko Ardiido Lesdi Naajeeriya Bola Ahmed Tinubu taskitani wadi ngam jahargal yeeso Lesdi Naajeeriya.
Ministaajo mo hakkilanta shaanu seewaaku, Dr Ishaq Salako kanyum on wolwi haalakan haa lamar jee 69th dum be Ahmadiyya dum be wadata nder hitaande fu haa hodorde mabbe nde Muslim Jamaat nder galluure Ilaro, jihawol Ogun Fombina walaadu Hirna Lesdi Naajeeriya.
Haa lamr kan Dr Salako meti duudka dow ko laarani no kawtal ngal ‘e julbe wallitirta ko laarani yanayuuji sella enanta luttudi gannudi ko Lesdi ndin wontiri.
Ko nden O waddi aayaaje ALLAH nder Deftere Ceeniidum Quran suurawol 21aaya 32.
O wii Julbe ndeyefu be do hakkilana nokkuuje mabbe banna ta deftere nden sappi .
O wi nder taskaramji firlitol hesditinki Lesdi Naajeeriya woodi ko Laarani seewaaku ‘e ko wallata ummaatoore.
Dr Ishaq Salako mani tiinaaje kawtal ummaatoore julbe Ahmadiyya bee ko be wadi enanta ko be wadata nder hitaande fu haa lamar kawtal ngal.
Hooreejo Amir mo Ahmadiyya Muslim Jamaat Nigeria, Alhaji Alatoye Folorunso Azeez, nder jawaabu maako O mani tiinaaje warbe ‘e luuttube walloobe kawtal ngal bee koodume fu dow ko laarani be wadanta kawtal ngal
Haatimmeeje manooje kewdum hokkaama haa Lamarkan .
Hobbe ko hewtani ujineeje 30,000 tawaama haa nokkuure nden.
SADIQ ALFA
