Taskaram hakkilanta shaanu rufa yontaaki nder Lesdi Naajeeriya (NSIPA), taskani kawtal koppi bee hukuuma hakkilanta tongitol dereeji bii Lesdi nga (NIMC),nga bote moobuki bayaanuuji hedi daldal maatootiral.
Hooreejo taskaramka, NSIPA, Halima Shehu kanyum on suuditi bana ka’a wakkati O yaarano ngilla haa hooreejo NIMC, Engr. Abisoye Coker-Odusote.
Shehu wi kawtal koppi hakkunde mabbe woodi bote sanne ngam be besdan anndal hakkunde mabbe ko waddata jahargal yeeso golle mabbe no haandi.
Kadima hooreejo NSIPA, Hajiya Halima Shehu wi besdan sukle masin faaki ko waddata jahargal yeeso taskaram ka ko yaadata bee gidaadi Ardiido Lesdi Naajeeriya Bola Ahmed Tinubu ko laarani hesditinki Lesdi Naajeeriya.
Non hooreejo ha NIMC Engr. Abisoye Coker-Odusote, kanyumma wi huuduki bee NSIPA waddananbe kuude jahargal yeeso masin hawtaade ‘e sembidinki kilantaaji riskuuji Lesdi Naajeeriya.
Taskaramka NSIPA do nder taskaramji di Ardiido Lesdi Naajeeriya Bola Ahmed Tinubu jee hesditinki Lesdi Naajeeriya.
SADIQ ALFA
