Ministaajo mo hakkilanta shaanu maatootiral ‘e waytinki ko’e ummaatoore Lesdi Naajeeriya, Mohammed Idris, wi Ardiido Lesdi Naajeeriya Bola Ahmed Tinubu moobti cede ko hewtani $15 billionji nairaaje haa juude rudfayonta’en.
Ministaajo on wi jabrude ardiido on hoosi do fuddi nafuki Lesdi Naajeeriya sanne.
O wi rufayonta’en ben kastaabe do taadi tati be gooto nder kastaabe ben mardo kampaniwa mannga nga lekki biddo Lesdi Japan do nyiba kampaniwa maako nga Lekki haa Jihawol Ogun fombina walaadu hirna Lesdi Naajeeria kampaniwa laatata arannde haa Lesde Africa.
Idris besdika bee wiiki ardiido on do taskani duudka nafooha ummaatoore Lesdi Naajeeriya.
Non Kadima Bola Ahmed Tinubu do wada fodde bawsde maako haro yiiki joonde jam tlorti haa nder Lesdi Naajeeriya.
Ministaajo yottini Lenal bee wiiki ummaatoore Lesdi Naajeeriya besda tammunde dow woodi beldum waranta ummaatoore Lesdi Naajeeriya nder hitaande hesru 2024 to jam.
SADIQ ALFA
