Ballo Ardiido Lesdi Naajeeriya tefri Fukaraabe naftora anndal mabbe hedi haandi
Ballo Ardiido Lesdi Naajeeriya Kashim Shettima tefri fukaraabe naftora basiiraaji mabbe ngam be botira be waddana lesdi naajeeriya jahargal yeeso no haandi.
O suuti haalakan wakkati hooreejo golle Ardiido Lesdi Naajeeriya nden tumbaljo wakiili’en majaliisaabe boymaajo, Femi Gbajabiamila, dofti fukaraabe haa yeeso maako .
Kadima O wii be be dara dow kosde mabbe be naftora anndal ko Allah hokkibe hedi laabi kewdi nder Lesdi Naajeeriya.
O limtinibe gannudi di Lesdi ndin wontiri amma fu woodi ragare toni haa sukaabe ‘e fukaraabe naftoran anndal mabbe hedi laabi boddi.
VP Shettima mani fukaraabe ben nden wadani be do’aaji boddi ko waddata jahargal yeeso Lesdi Naajeeriya.
Haa ragare O mani tiinaaje majaliisaabeben beeko be wadata eltuku fukaraabe bee taskaramji mabbe boddi ngam jahargal yeeso mabbe enanta ummaatoore Lesdi Naajeeriya.
Nder jawaabu omtiido taskaramka haa majaliisaaru ndun LMI, Femi Gbajabiamila, wi jahargal yeeso hebaama ‘e bote hebete haa taskaramka sanne ndenma be hikka buri be rawani masin.
SADIQ ALFA
