Ardiido Lesdi Naajeeriya Bola Ahmed Tinubu tefri ardiibe Lesdi Naajeeriy kawtal koppi haro yiiki be hurgi gannudi Leasdi ndin wontiri nganm jahargal yeeso umkmaatoore Lesdi Naajeeriya.
Ardiido on suuditi haalakan haa seyo lamar hewtuki duubi 61 di danyorde hooreejo wakiili’en majaliisaabe ndotti’en.
Tinubu wi seeto bee kawtal koppi ardiibe ben on O hebata hewtinki yidannde maako haa ardungal mabbe ko taskani wadduki jahargal yeeso Ummaatoore Lesdi Naajeeriya no foti.
Be mani taanaaje enanta boddi hooreejo wakiili’en ben baa jahargal yeeso ko O hebi.
Tinubu wi numti Akpabio fuddiri ardungal bee meetelewol komishnaaku haa Jihawol Akwa Ibom, nden O laati ngomna nde didi.
Hooreejo wakiili’en ben tabitini Ardiido on dow be wadan fodde bawde mabbe ngam yiiki be hesditini Lesdi Naajeeriya banata bernde yidi.
Non mo luutani tumbaljo wakiili’en majaliisaabe kanyumma wii nohaandi wade fu wadete ngam jahargal yeeso hebe haa Lesdi Naajeeriya.
SADIQ ALFA
