Minisaajo mo hakkilanta shaanu jahaale Sa’idu Alkali tindini tiinaare ngomnati Lesdi Naajeeriya dow ko laaranijabrude hoosa musamman ngam feesinki henndu Gas ko waddata koydum hedi shaanu jahaale enanta walluki yanayuuji sella.
Ministaajo on suuditi haalakan haa moobtorde COP28 dum wadete haa kawte Lesde Arab’en United Arab Emirates, haalakan wurti haa hunnduko mo hakkilanta shaanu kubaruuji ministaajo on, Jamilu Ja’afaru.
Alkali wi nako laarani yanayuuji sella tan be hoori hakkilo fu dowko laarani shaanu jahaale musamman ngam mba’ante naftora bee henndu Gas ngam koydum hebe.
Ministaajo on wadi giidal bee kastaabe musamman ngan jahargal yeeso shaanu jahaale enananta kilantaaji riskuuji nder Lesdi Naajeeriya .
Haa giidal ngal ministaajo on meti duudka ko waddanta shaanu jahaale jahargal yeeso sanne.
SADIQ ALFA
