Ardiido leddi Cote d Ivire andini duuw kautal risku lesde hirnankere Africa (Ecowas), fudda jonde mabbe je gidal shembingal nyande sappo leuru December do ha Abuja fada lamorde leddi Najeeriya.
Ha habarowol ngol fada Ardiido leddindin wurtini nyande alamissa do holli duuw moftorde nden horan hakkilo on hedi dudal fitinaaji japtol lamu duum fe’I ha lesde fere nder nahiya Africa be jabrude kandude de hoe’te ngam waddugo ragare billaji japtol lamu je soja’en wowi wadugo ha nahiya kan.
Kautal ECOWAS en wairi jodugo daga leuru July salundu ha wakkati be ngadi do gidal jaungal bawo nde soja’en japtino lamu ha leddi Niger be nangol ngol soja’en leddindin nangi Mohammed Bazoum ngammai moftorde hesere nden ma horan hakkilo hedi tabitinki Bazoum mai yoftama daga nangol ngol soja’en ben nangimo.
Ardibe lesde den wadan gidal ngal hebinta Bazoum nasaraaku yoftego ngam heba o yaha o narta njamu makko.
A BELLO
