Ngomnati moobgal Lesdi Naajeeriya besdi sukle sanne haro yiiki be hoori hakkiilo sanne dow shaanu njamu nder Lesdi Naajeeriya.
Ministaajo mo hakkilanta shaanu njamu Dr. Tunji Alausa kanyum on suuditi haalakan wakkati O yaarana ngomnaajo Peter Mbah gilla haa Jihawol Enugu.
Hooreejo mo hakkianta shaanu kubaruuji haa hukuumawa ngan, Patricia Deworitshe suditika bee wiiki dow be sappi nafuuda shaanu njamu sanne nder Lesdi Naajeeriya kannjum on wadi be yidi fintinki yebre nden ngam ummaatoore botira bee man sanne.
Dr. Alausa besdika bee wiiki ngomnati wi hokkan nyawndorde haa Jihaaji ceede masin ngam be doggina kuude mabbe no bernde yidi haa Jihaaji fu .
Ministaajo dabbii baawal baawo ngomnaajo on ngam hewtinki yidannde Ardungal ngomnati Lesdi Naajeeriya ko moyefu botirta bee mabe nder Jihakan enanta luttudi nder Lesdi Naajeeriya.
Gov. Peter Mbah wadani ministaajo on barka bee hebuki mukaamu ministaakumaako nden mani tiinaaje maako sappi bee wiiki O haandani mukaamu ngun.
Haaragare O tabitini mo baawal baawo maako enanta ummaatoore Jihakan no foti ngam jahargal yeeso hebe .
SADIQ ALFA
