Lesdi Madagascar hadi yiilaaru haa galuure Antananarivo ngam sanadu cubi ardungal Lesdi ndin aranndeeji gadeteedi haa giifakan.
Niiman wadaa on ngam yiiki woodi gannudi fitnaaji yidi ukka haa nokkuure nden bananta hooreejo General Angelo Ravelonarivo anndini kubaru’en.
Kadima O besdika bee wiiki be fuddi nguli nguli haa nokkuuje subirde enanta kalimaaji nyiddudi non on wadi be hoosi jabrude den bee jawdum.
Be tefri no ummaatoore Malagasy ngurta ngam suba ardiido mabbe keso .
Be fuddi cubi din njamndi 6am (03:00 GMT), nden himbe ko hewtani milionji 11 on tonngiti inde mabbe ngam subuki hakkunde dariibe tefre cubi din ko hewtani Himbe 13.
Ardiido Lesdi ndin jotta Andry Rajoelina,mardo duubi 49,do tefa lortaaki korowal maako jee waadu didabre amma O do yiida bee gannudi jam’iyaaji nawliraaji masin ngam yiiki jam’iyaaji ko hewtani 10 fu hawti koppi nder mabbe woodi Ardiido Lesdi ndin boymaajo Hery Rajaonarimampianina enanta Marc Ravalomanana, .
Be jam’iya nawliraaji do nodditira wankoore joonde jan iga Lewru October.
Be sankiti wadoobe wankooje den bee curde ilnooje gondi niiman haa yotti be tefri ardiibe kawte Lesde’e Lesde nasta haalakan.
SADIQ ALFA
