Ballo ardiido Lesdi Naajeeriya Kashim Shettima tinndini bee wiii jnngirde dum hunnde on ko waddata jahargal yeeso ennta hurguki gannudi talakaaku nder Lesdi Naajeeriya.
Shettima suuditi haalakan nyennde Alarba wakkatiaagal be njuggam anndira Bill & Melinda Gates Foundation hawti bee hooreejo mabbe , Mr Rodger Voorhies,wadaani mo ngilla haa hodorde ngomnat ha Abuja laamorde Lesdi Naajeeriya.
Ballo ardiido on wi faami yanayuuji sella tampini shaanu ndemri haa Lesdi Naajeeriya sanne haandi dabareeji goddi kanndudi hoose ngam feesinki nyaamannde nder Lesdi ndi’i.
Kadima O besdika bee wiiki hawtuki koppi bee be taskaramka ka Bill & Melinda Gates Foundation wallan masin hadi sembidinki shaanu ndemri enanta janngirde nder Lesdi Naajeeriya.
O tefri be taskaram ka wamba baawo taskaramji ‘e gidaadi boddi di jahargal yeeso nder ardungal Ardiido Lesdi Naajeeriya Bola Ahmed Tinubu musamman ngam meeda talakaaku ha Lesdi Naajeeriya.
Haa ragare Ballo ardiido on mani tiinaaje juggam taskaramka bee ko huuwata haa nder Lesdi Naajeeriya musamma ko laarani baate faddo nyawuuji bacci anndira polio enanta hakkilanki nyawdorde Pamari ‘eko nanndi’enon.
Nder jawaabu , Mr Voorhies, wi warki mabbe Lesdi Naajeeriya ni wadaama musamman ngam besdaari kabbidal narral boosungu enanta wannginki kesum hakkunde amin bee Lesdi Naajeeriya.
Kadima O mani tiinaaje Ardungal Ardiido Bola Ahmed Tinubu no fuddiri jaargal muudun.
SADIQ ALFA
