Ngomnaajo jiha Niger Mohammed Umaru Bago wanni bandirawo makko ngomnaajo jiha Imo hebido nasaraaku nyamugo chuubi yebre didabre ha fain mo laati horeejo ngomna’en jamdiyya APC Hope Uzodinma, barka be hebugo nasaraaku supteego ha chuubi ngomnaaku duum duggina nyande asawe salunde.
Ngomna Bago ha fahin lori wanni ngomna’en luttube hebibe nasaraaku ha chuubi din, ko nandi bana ngomnaajo jiha Bayelsa Douye Diri be mo jiha Kogi, Usman Ododo, barka be nasaraaku ko Allah hokkibe ha chuubi din.
Ha habaruuwol ngol seketereejo yebre shaakol habaruuji office ru ngomnaajo , Bologi Ibrahim, wurtini nden wanni ngol jude owii ngmna Bago holli seyomum masin be jalorngal mangal ngal ngomna’en ben kebi o yelanibe hairu e nasaraaku ha jogade lamu.
Ngomna Bago yonitiri suptabe ben duuw be lorna hakkilo ha kude de ummatore mabbe marata haaje huwaneego ngam waddanabe jahol yesso e jonde jam nder galle mabbe.
