Majalissa ndotti’en leddi Najeeriya wii wadan didangol ngol hokkata bibbe leddindi jodibe lesde yaasi bososel sakkungo chuubi koda laati bedo judi ha lesde fere nder duniyaaru.
Horeejo majalissa kan , Senator Opeyemi Bamidele mo jamdiyya (APC daga jiha -Ekiti), on waddi sauruye nden ha jonde nde majalissakan wadi ha o holli bote wonbe lesde yaasi hokke bososel suptugo ha wakkati leddindi dugginta chuubi.
Majalissa timminga jenaiwa ma fuddino dimbugo didangol majum ha hitande 2022 amma ha be timmini wadu mabbe didangol mai sallinaka.
Majalissa kan holli jonta wakkati wadi nder be sallinta didangol majum heba joodibe lesde yaasi bibbe Najeeriya sakkina chuubi ha kala nde leddindi dogginta chuubi fu.
