Ardiido leddi Najeeriya Bola Ahmed Tinubu yonitiri ngomna’en hebibe nasaraaku ha chuubi di duggina nyande asawe salunde be hauri be , Hope Uzodinma mo jiha Imo Duoye Diri mo jiha Bayelsa hautande be Ahmed Usman Ododo mo jiha Kogi duuw be tabitina jonde jam ha jihaji mabbe ndenbo be waddana ummatoje mabbe kude jahol yesso.
Ha habaruwol ngol shakowo habaruuji ha office ru Ardiddo leddo , Ajuri Ngelale, wurtini wi Ardido leddi wanni ngmnajo kesso suptaddo daga jiha Kogi Usman Ododo barka be hebugo nasaraaku supteego ha fahin o wanni luttabe fu barka be nasaraaku ha chuubi din.
Ardidi leddi manni jami’en kude rento be tinaare nde be ngadi ha chuubi din o holli sina be mabbe da shaddum chuubi din duggine nder jonde jam banni sam.
O fodi hakkilo hebibe nasaraaku mai duuw lorna hakkilo ha kude de waddanta himbe jahol yesso be dantugo daraja risku ummatore, ha fahin o mani hukuma chuubi ka INEC be hollugo adilaku ema heare ha nder chuubi majum.
