Ngomnati jiha Kwara nder gifa shakantere leddindi dabbitiri hukuma chuubi nga jihakan duuw dara darnde wata chuubi labdi nanadi di komoi yerdata be maji, ha wakkati nde jihakan dugginta chuubi hukumaji pamari nder balde de.
Seketereejo ngomnati jihakan , Alhaji Mahe Abdulkadir on hokki sauruye nde nde o umtanno jonde beddol andal nyalde didi duum be taskitini marbe jude ha fiiji chuubi ngam yigo duum duggini chuubi hukumaaji pamari din nder de’ende.
Abdulkadir yonitiri wakili’en hukuma chuubi mai duuw be holla adilaaku be gongaku nden be itta kala ferotiral wakkere ko dinafu ha wakkati nde dugginta kude chuubi main gam hisugo bononda ko fitinaaji di wowi tokkugo bawo chuubi.
Seketereejo on famtini duuw ngomnati jihakan hoi kala jabrude fu ko handi nden fahin yerban wakili’en mum wata gite ha chuubi maingam yigo chuubi din dugginama bana no mara haaje.
Ha fahin o sauri wakili’en hukuma chuubi duuw holla heare be adilaaku ha kude mabbe be yawo hollugo ferotiral no famdirifu.
