Kautal filu lesde Arab’en ngal AATB famtini duuw lesdi Najeeriya tokkibe ha umtugo taskaramji filuji fere fere nder kautal man ha ma leddidin ma wartirama wakilijo ha nder kautal majum.
Taskaram mai beddanan leddi Najeeriya lhebugo labi filuji mardi nafu nder duniyaru ha fahin yollan leddidin ha nder lesde rufoje jarful ha duuw filuji maudi nder lesde duniya.
Seketereejo maudo mo kautal majum AATB (ITFC), Hani Sonbol wii natugo leddi Najeeriya ha nder kautal mai waddanan leddidin nasaraku hebugo chede nastoje, bantugo daraja risku leddi, be andugo labi filu jamanu musamman je duniyaru wadata jonta.
Seketereejo onni o wanni leddi Najjeeriya barka be hebugo nasaraku natugo nder labi risku maudi nder duniyaru duum oholli waddanan leddidin jahol yesso kimminingol nden fahin waddan labi risku deddudum bana no mara haaje.
Kautal filowal ngal lesde Arab’en andirangal be (AATB) do marri borde shahude je nastugo kotoi ngam dabbitina leddimum labi risku be jahol yesso hebi taskaramji lumo.
SADIQ ALFA
