Ballo Ardiido Lesdi Naajeeriya, Kashim Shettima, dali Abuja ngam yaaki giidal haa Beijing, Lesdi China, luutanki Ardiido Bola Tinubu dow ko laarani giidal anndira 3rd Belt and Road Initiative (BRI) ko taskani fudduki 16th yaaki -18th October, 2023.
O hawtanan ardiibe Lesde ‘e Lesde ko buranta 130 be Lesde Africa be, Asia, Europe enanta Latin America jaa giidal ngal mardum taakiyaare, “kuude boddi di waddata jahargal yeeso.”
Ballo ardiido on naftoran bosesel giidal ngal yiida bee Luumoobe juude jarfuuji haa giifakan ngam wadda kuude jahargal yeeso nder Lesdi Naajeeriya.
Kadima O wadan giidal bee Ardiibe Lesde Duuniyaaru musamman ngam ko laarani kilantaaji riskuuji,luumooku,’e luttude kuude jahargal yeeso Lesdi Naajeeriya bananta ardungal Ardiido Lesdi Naajeeriya Tinubu taskani.
Giidal ngal hikka jee 2023 BRI taskani kuude jahargal yeeso hakkunde lesde’e Lesde sanne.
Do sappi dow Lesdi Naajeeriya tammi botiraaki’e giidal ngal dow kuude ko nanndi bana shaanu nyibaali, kuude baruye laanaaje Lesdi,Laabi mootaaji,nyirgal,riftorde piirooje,beeli ndiyam,kubbirle yiite ‘eko nanndi ‘enon.
Doftiibe ballo Ardiido on woni Ministaajo shaanu yaasiiku, Ambassador Yusuf M. Tuggar; Ministaajo shaanu Hiiso ‘e kilantaaji riskuuji, Atiku Bagudu; mo shaanu Jahaale , Sa’idu Alkali; mo shaanu Goll, David Umahi; mo shaanu kampaniiji ‘e rufayontaaku, Dr. Doris Uzoka-Anite;hooreejo mo hukuumawa NRC, Fidet Okhiria, enanta hooreejo mo hukuumawa shaanu nyibaali, Michael Ohiani.
.
SADIQ ALFA
