Ardiido Lesdi Naajeeriya, Bola Ahmed Tinubu hokki umroore bee jawdum be hurga gannudi faccam ndiya nder Lesdi Naajeeriya.
Be tiggi comitiwa dum be hokki ngomnaajo Jihawol Kogi, Yahaya Bello laato hooreejo komitiwa ngan nden yawna wadduki rahootooji gannudi yiitata haro paccam ndiyam dam ko haatoy nder Lesdi Naajeeriya ngam hurge.
Nden ngomnaajo Jihawol Akwa Ibom, Senator Akon Eyakenyi, kanyum on lati ballo hooreejo komitiwa ngan ndenbo be hokkibe nyalde 7 tan be wadda rahootooji din ngam larte.
Ballo ardiido Lesdi Naajeeriya Kashim Shettima kanyum on luutani Ardiido Tinubu Ardani giidal ngal haa hodorde ngomnati Abuja laamorde Lesdi Naajeeriya.
VP Shettima wi fakat jabrude hoosete ngam heptuki noka waarete amma teddeenga man burna fu hukuumaaji bana nga (NEDC), hawtaade bee (NDDC) bee ngaomnati kawtal Lesdi on hoosata.
“bananta Ardiido Lesdi umri min hokkitan NEDC hakkilana Taraba, Bauchi enanta Jihawol Adamawa nden NDDC bo hakkilana Akwa Ibom, Bayelsa, Delta enanta Cross River. Nden Jihaaji luttudi bo min wadan ko haandi.
SADIQ ALFA
