Ardiido Lesdi Naajeeriya Bola Tinubu wadani hooreejo ngomna’en waylaari Lesdi Naajeeriya (NSGF) bee ngomnaajo Jihawol Gombe, Inuwa Yahaya barka be hewtuki Duubi 62 Duubi danyorde maako.
Tinubu yottini kofli maako hedi sawroowo mo ko laarani shaanu saakol kubaruuji, Ajuri Ngelale.
O mani tiinaaje ngomnaajo on bee wiiki O’do wada fodde bawde maako haro yiiki jam’e jahargal yeeso tabiti haa Jihawol Gombe bananta ber nde yidi.
Kadima Ardiido Lesdi Naajeeriya mani laabi boddi di ngomnaajo tokki haa Ardungal maako ko feesinta golle, joonde jam,’e jabrude kanndude ko sembidinta kilantaaji riskuuji haa Jihakan.
Kadi O lamsika bee manuki tiinaaje haareejo NSGF bee taskaram ‘e dabareeji kanndudi di O hoosi ngam wadduki jahargal yeeso ‘e weltinki ngurndan ummaatoore haa Bakkeeje den.
O wi; “mi wadani maada Do’a ngomna Inwa Yaya ALLAH besdane njamu ‘e juutal balde ngam a huuwana ummaatoore Jihawol Gombe enanta bakkeeje den enanta Lesdi Naajeeriya fu nahaandi.”
SADIQ ALFA
