Hooreejo walde Sooja’en nde 35 Artillery Brigade, Brigadier General Mohammed Tajudeen Aminu wi dartirde Sooja’en walde nden hewti be dara koo haatoy ngam hebuki nasaraaku haa golle mabbe nder Lesdi Naajeeriya.
Brigadier General Aminu suuditi haalakan wakkati O arda tokkere nden dow baral ko hewtani kilomiitaaji 10 haa galluure Abeokuta nder Jihawol Ogun laamorde Jihakan.
Ka fuu ka wolwaama nder jawaabu maako haa Derewol bindaangol haa juude ballo hooreejo mo hakkilanta shaanu kubaruuji walde nden, Lieutenant Mohammed Goni.
O wii“wurtuki mabbe doni wadaama on ngam sattinki terde Sooja’en ben enanta holluki ummaatoore wala gacce hakkunde Sooja’en ben enanta luttube rentoobe haa bakkeeje den fu ngam no be hurgirta gannudi soynde rento haa Jihakan.”
Tawaabe haa nokkuure nden hawti bee Sooja’en walde 35 Artillery Brigade, 81 Base Ammunition Depot, fukaraabe janngirde Nigerian Navy Secondary School, rentoobe Police ‘en, DSS, Nigeria Immigration Service, Nigerian Correctional Service, Nigerian Security and Civil Defense Corps, and Nigeria Customs Service nder mabbe kadima woodi jagganoobe Lesdi be NYSC.
SADIQ ALFA
