Kaute Lesde Oroba (EU) wi besdan sembidinki taskaramji,dabareeji’e kuude jahargal yeeso Les ardungal Ardiido Bola Tinubu haa Lesdi Naajeeriya.
Haalakan wurti on haa hunnduko Directaajo mo kawte den Rita Laranjinha, wakkati be waddana ballo ardiido Lesdi Naajeeriya Kashim Shettima haa Abuja Laamorde Lesdi Naajeeriya dooko giidal dum tammi wadeeki hakkunde mabbe ‘eMinista’en 19 Lewru October, 2023.
Wakkati Shetima wadanno jawaabu jabbuki be O sappi ‘e wiiki be wada fodde bawde mabbe ngam Ardungal Tinubu taskani kabbidal narral boosungu bee Lesde yaasi ngam kuude jahargal yeeso hebe.
Ballo ardiido on tefri EU besdaari kawtal koppi bee Naajeeriya dow ko laarani wannginki laabi ko feesint golle dum yaadata bee gidaadi taskaramji kuude Tinubu Limtaadi 8.
Mo Ardani garbe ben be EU, Laranjinha wi wari Lesdi Naajeeriya dooko giidal ngal wade ngam taska ko haandi he be on nden bo miyidi anndinki on dow woodi taskaramji kuude jahargal yeeso hakkunde amin bee Lesdi Naajeeriya yeeso do.
Nder man O wi woodi ko laarani Luumooku, kubbirle yiite lamtarkiye,shaanu rento’e joonde jam awtaade be ko laarani kuude jamanu.
SADIQ ALFA
