Ngomnati Lesdi Naajeeriya hoosi jabrude kanndude haro feesinki Daldal maatootiral ngal Internet haa Lesde Africa, ko waddata jahargal yeese’e Feesinki golle ko huuwe hakkunde ummaatoore.
Ministaajo mo hakkilanta shaanu maatootiral’e ko sembinta kilantaaji riskuuji, Dr. Bosun Tijani kanyum on suuditi ka wakkati giidal mabbe dow ko laarani Daldal maatootiral ngal jee Lesde Africa fu haa Abuja.
Tijani win der Ardungal Bola Ahmed Tinubu be besdan sukle sanne ngam weltinki ngurndam ummaatoore Lesdi Naajeeriya no haandi.
O tefri ardiibe ben be hawta koppi nder Lesde Afrika fun gam be waddana bakkeeje jahargal yeeso hedi laabidin.
Kadima O mani tiinaaje hukuuma hakkilanta shanu maatootiral haa Lesdi Naajeeriya nga (NCC) enanta hukuumaaji di omti (LOG),hawtaade bee hoosiibe teddeenga moobre nden nde 2023 AfIGF haa waddi ragare .
Hooreejo haa hukuumawa NCC, Prof. Umar Danbatta, anndni laabka ko NCC wontiri bee kobe wadi ko waddi jahargal yeeso haa Lesdi ndin.
Hooreejo (UNECA),haa Lesde Africa Dr. Mactar Seck kanyumbo usi yetti NCC enanta kawte nanndude banon fu bee kuude mabbe di jahargal yeeso yebre nden .
SADIQ ALFA
