Ngomnati moggal leddi Najeeriya holli anniyamum be umtugo dabareeji je rento police ‘en gifa hirnankere Africa WAPIS ngam honago kude soine rento ha leddindin.
Ministaajo fiiji polce’en leddindi , Ibrahim Gaidam on andini banning man, owii bayanuji di dabareeji rento lesde Africa hirnankere andirade be, WAPIS nafan masin ha famtungo rentobe ema hokkugo ummatore bosesel famtungo rentobe kala ha soinde rento yidete fun gam yaunugo ho’a jabrude kandude.
Mr Gaidam andini non non man on ha wakkati nde agal wakili’en kautal ardibe yebre risku Africa hirnankere watau ECOWAS, be kautal Ardibe lesde nasara’en ngal European Union, waddanimo gilla teddinki ha fada lamorde hukuuma police ‘en leddindi ha Abuja.
O yahi yeso be wiigo to dabareeji nanadi weiti ha doow fiiji rento be bayanuji labdi walako hadata rentobe hebugo jalorgal ha doow hallube leddi ema mbonambona no’en.
O yetti agal wakili’en mai be gill aka be ngaddanimo, nden o efti alkawal hudango be mabbe.
